ការធ្វើតេស្តអំពីការទទួលបន្ទុកចិញ្ចឹមជីវិតពីរដ្ឋ ត្រូវបានប្រើប្រាស់ដោយមន្ត្រីអន្តោប្រវេសន៍ក្នុងស្ថានភាពមួយចំនួន ដើម្បីសម្រេចថាតើត្រូវផ្តល់ទិដ្ឋាការ ឬកាតបៃតងដល់បុគ្គលណាម្នាក់ឬទេ។ ការធ្វើតេស្តនេះ ពិនិត្យមើលថាតើបុគ្គលនោះទំនងជាពឹងផ្អែកជាចម្បងលើជំនួយរបស់រដ្ឋាភិបាលនាពេលអនាគតឬទេ។

នៅពេលមន្ត្រីអន្តោប្រវេសន៍អនុវត្តការធ្វើតេស្តនេះ ពួកគេពិនិត្យមើលចំណុចជាច្រើន រួមទាំងអាយុ ប្រាក់ចំណូល សុខភាព ការសិក្សា ឬជំនាញ ស្ថានភាពគ្រួសាររបស់បុគ្គលនោះ និងកិច្ចសន្យារបស់ពួកគេចំពោះអ្នកឧបត្ថម្ភ។

ការធានារ៉ាប់រងរដ្ឋគ្រាន់តែជាកត្តាមួយប៉ុណ្ណោះ។ ការប្រើប្រាស់ការធានារ៉ាប់រងរដ្ឋ នឹងមិនធ្វើឱ្យនរណាម្នាក់មានការខកខានចំពោះការធ្វើតេស្តអំពីការទទួលបន្ទុកចិញ្ចឹមជីវិតពីរដ្ឋាភិបាលដោយស្វ័យប្រវត្តិនោះទេ។

ការធ្វើតេស្តអំពីការទទួលបន្ទុកចិញ្ចឹមជីវិតពីរដ្ឋាភិបាល អនុវត្តចំពោះជនអន្តោប្រវេសន៍ក្នុងស្ថានភាពទាំងនេះតែប៉ុណ្ណោះ៖

• ក្នុងករណីមានបុគ្គលណាម្នាក់ នឹងដាក់ពាក្យសុំទិដ្ឋាការ ឬកាតបៃតងតាមរយៈលិខិតទាមទារពាក់ព័ន្ធនឹងគ្រួសារ ឬលិខិតទាមទារពាក់ព័ន្ធនឹងការងារ

• ក្នុងករណីអ្នករស់នៅអចិន្ត្រៃយ៍ស្របច្បាប់ (“LPR” ឬ “អ្នកកាន់កាតបៃតង”) បានចាកចេញពីសហរដ្ឋអាមេរិកអស់រយៈពេលច្រើនជាង 6 ខែជាប់ៗគ្នា ហើយកំពុងព្យាយាមចូលសហរដ្ឋអាមេរិកឡើងវិញ។

• ក្នុងករណីមានបុគ្គលណាម្នាក់ នឹងដាក់ពាក្យសុំទិដ្ឋាការមិនមែនអន្តោប្រវេសន៍ (ដូចជាសិស្សឬនិស្សិត ឬអ្នកទេសចរណ៍)

• គឺជាអ្នករស់នៅអចិន្ត្រៃយ៍ស្របច្បាប់ (“LPR” ឬ “អ្នកកាន់កាតបៃតង”) ហើយកំពុងដាក់ពាក្យសុំដើម្បីក្លាយជាពលរដ្ឋ (ចូលសញ្ជាតិ)

• គឺជាអ្នករស់នៅ LPR ហើយកំពុងដាក់ពាក្យសុំបន្តកាតបៃតងរបស់អ្នកថ្មីឡើងវិញ។

• មានឋានៈឬស្ថានភាពជាអ្នករស់នៅ LPR តាមលក្ខខណ្ឌ ហើយកំពុងដាក់ពាក្យសុំដើម្បីលុបចោលលក្ខខណ្ឌនានា

• កំពុងដាក់ពាក្យសុំទៅផ្នែកអ្នកស្វែងរកសិទ្ធិជ្រកកោននយោបាយ ឬឋានៈជាជនភៀសខ្លួន ឬដាក់ពាក្យសុំកាតបៃតងដោយផ្អែកលើអ្នកស្វែងរកសិទ្ធិជ្រកកោននយោបាយ ឬជនភៀសខ្លួន

• កំពុងដាក់ពាក្យសុំទិដ្ឋាការ U ឬ T, ឬកំពុងដាក់ពាក្យសុំកាតបៃតងដោយផ្អែកលើអ្នកកាន់ទិដ្ឋាការ U ឬ T

• កំពុងដាក់ពាក្យសុំ VAWA ឬកំពុងដាក់ពាក្យសុំកាតបៃតងដោយផ្អែកលើឋានៈឬស្ថានភាព VAWA របស់អ្នក; កំពុងដាក់ពាក្យសុំផ្អាកការនិរទេស ឬលុបចោលការដកចេញក្រោម VAWA

• កំពុងដាក់ពាក្យសុំ DACA ឬកំពុងដាក់ពាក្យសុំបន្តឋានៈឬស្ថានភាព DACA

• កំពុងដាក់ពាក្យសុំឋានៈឬស្ថានភាពអនីតិជនអន្តោប្រវេសន៍ពិសេស (SIJS) ឬកំពុងដាក់ពាក្យសុំកាតបៃតងដោយផ្អែកលើឋានៈឬស្ថានភាព SIJS

• កំពុងដាក់ពាក្យសុំឋានៈឬស្ថានភាពការពារបណ្តោះអាសន្ន (TPS)

ប្រសិនបើលោកអ្នកមិនប្រាកដថាប្រភេទនៃពាក្យសុំអន្តោប្រវេសន៍ជាប្រភេទណាមួយដែលលោកអ្នកនឹងដាក់ឯកសារ ឬ ឬមានផែនការដាក់​ឯកសារនោះ សូមពិភាក្សាជាមួយអ្នកតំណាងផ្នែកច្បាប់ដែលអាចទុកចិត្តបាន។ ក្រុមការងារមេធាវីផ្នែកច្បាប់នៃបណ្តាញ BAILA អាចជួយបាន!